«Өлөөн Үрэн Хоһуунун чулуу үлэһит дьоно» – саҥа кинигэ биһирэмэ

Главная > Новости > «Өлөөн Үрэн Хоһуунун чулуу үлэһит дьоно» – саҥа кинигэ биһирэмэ

«Өлөөн Үрэн Хоһуунун чулуу үлэһит дьоно« – саҥа кинигэ биһирэмэ

Үлэ дьоно – көнө дьоннор,

Суобас курдук ыраас дьоннор.

Үрдээбэттэр, намтаабаттар,

Балдьаспаттар, былдьаппаттар,

Барыс диэҥҥэ баҕарбаттар,

Албан аакка кыһамматтар.

Үлэлииллэр – кыайалларын,

Оҥороллор – сатыылларын.

Ийэ дойдум баайын – дуолун

Үлэ дьоно үүннэрбитэ.

Ийэ дойдум аатын – суолун

Үлэ дьоно үрдэппитэ.

Өтүйэлээх сиэрпэнэн,

Ыстыыгынан, бөрүөнэн

Суруйаллар кинилэр

История кинигэтин!

2024 сыл Арассыыйа5а Дьиэ кэргэн, Саха сиригэр О5о сыла, Өлөөҥҥө — эбэҥки тыла , ону тэҥэ оройуон Библиотекалара тэриллибиттэрэ үбүлүөйдээх сылларынчэрчитинэн Саха культуратын туйгуна, Өлөөн оройуонун бочуоттаах олохтооҕо, комсомол, партком инструкторынан, партия райкомугар , ветераннар советтарын председателинэн улэлээбит, икки кинигэ ааптара Полина Петровна. Боекова хомуйан хаалларбыт үһүс кинигэтэ«Өлөөн Үрэн Хоһуунун чулуу үлэһит дьоно» диэн саҥа кинигэ биьирэмэ олунньу 10 күнүгэр киин библиотека аактабай салаатыгар буолла Кинигэни таһаарыыга быһаччы үлэлэспит сиэн кыыьа Изольда Кузьминична Дмиртриев буолар.

«Өлөөн Үрэн Хоһуунун чулуу үлэһит дьоно» кинигэ 7 түһүмэхтээх, 296 сирэйдээх, 50 тирааһынан Айар кинигэ кыһатыгар , Өлөөн эбэҥки оройуон историятын библиотеката сериянан 40 кинигэнэн та5ыста. Кинигэ 7 түһүмэхтэн турар, бастакы түһүмэх кочевой сэбиэт бэрэссэдээтэллэрэ, 2 – Өлөөн Үрэн Хоһуунун чулуу дьоно, 3 – холкуостары бөгөргөтүү, сопхуостары тэрийии, 5 –доруобуйа харыстабылын үлэһиттэрэ 6 – Өлөөн оройуонунбочуоттаах олохтоохторо 7 – оройуоммут бастыц үлэһит дьоно на5араада ылбыттар суруллубут.

Оройуоммут муниципальнай администрацията Өлөөн эбэҥки оройуон историятын библиотеката диэни серияны 2007 сыллаахтан бэчээккэ кинигэлэри таьааттарар. Ханнык да оройуонна оройуон администрацията маннык сериянан тахсар кинигэлэрэ суохтар, онон биьиги оройуонманнык сериянан тахсар кинигэлэрдээхпитинэн киэн туттабыт.

Сиэн кыыһа Изольда Кузьминична эбэтин Полина Петровна олорбут олоҕун, үлэлээбит үлэлэрин, хайдахсыралаһан кинигэ матырыйаалын хомуйааһыҥҥа улэлээбитин туһунан кылгас ахтыы оҥордо. Бу кэнниттэн кинигэ сурэхтэниитигэр кэлбит ыалдьыттар оройуон аҕа баһылыгын социальнай боппуруостарын солбуйааччыта Т.Е. Павлова, үлэ бэтэрээнэ З.Д. Григорьева, биир үөлэннээҕэ Е.В. Винокурова, О.П. Борисова, А.Т. Петрова, А.И. Иванова, С.П. Павлова, В.С. Гаврильева уо.д.а. кинигэ туһунан бэйэлэрин көрүүлэрин, баҕа санааларын эттилэр.Киин библиотека библиографа Н.Д. Семенова библиографическай ырытыы оҥордо. Кинигэ сүрэхтэниитэ ити курдук, кинигэ тула, истиҥ-иһирэх кэпсэтии сиэринэн ааста.

Өбүгэлэрбитин, туруу үлэһит дьоммутун умнарбыт сатаммат. Аҕа көлүөнэ олорон ааспыт олоҕун кэнэҕэс кэнчээри ыччакка тиэрдии, кинилэр сырдык ааттарын үйэтитии, төрөөбүт дойдуга, алааска тапталы иҥэрии биһиги, ытык иэспит.
Үйэлээх кинигэ таһаарыытыгар үлэлэспит дьоҥҥо, матырыйаалы сааһылаабыт, түмэн бэчээккэ бэлэмнээбит, оройуон администрациятыгар, ааптар сиэн кыыһыгар Изольда Кузьминична5а бары үтүөнү баҕаран туран, махтал тыллары аныыбыт.