Быйылгы Ийэ тылбыт, суругун – бичигин күнүгэр аналлаах өрөспүбүлүкээнскэй акция сахалыы дьыктаан суруйуу тэрээһиммит, олунньу 18 күнүгэр күнүс 12 чаастан Өлөөн оройуоннай бибилэтиэкэҕэ ыытылынна. Бу күн кинигэ быыстапката “Саха маассабай суругу – бичигин төрүттээбит бастакы учуонай – лингвист Семен Андреевич Новгородов” туһунан кэпсиир кинигэлэр туруоруллубута. Бастакынан Гавриил Васильевич Баишев – Алтан Сарын олоҕун уонна үлэтин туһунан билиһиннэрдибит. Кини саха суруйааччыта, тылбаасчыт, лингвист, саха тылын реформатора, общественнай диэйэтэл, XX үйэ чаҕылхай бэрэстэбиитэлин “Киэһээ буолла” диэн кэпсээнин суруйдулар. Сахалыы дьыктаан сылын аайы суруйа кэлэр дьоммутун көрсөр олус үөрүүлээх . Өссө киһи көрөн үөрэр эдэр ыччат интириэһиргээн суруйа кэлэрэ . Дьыктаан икки сиринэн суруйдулар. Ааҕар саалаҕа суруйтарда Аксинья Семеновна Иванова идэтинэн история учуутала, баспытаатал “Чипичикаан” оҕо уһуйаанын иитээччитэ, аактабай саалаҕа суруйтарда Мария Николаевна Карпова идэтинэн алын кылаас учуутала, бибилэтиэкэр. Быйылгы дьыктааммытын 15 киһи суруйда. Олортон 5 эдэр ыччат суруйбута кэрэхсэбиллээх. Сылын аайы эдэр ыччат сахалыы дьыктаан суруйан холонуута элбээн иһиэ диэн эрэнэбит. Суруйуу түмүгүнэн “Бастыҥтан бастыҥ суруксут” буоллулар: Суздалова Раиса Васильевна, Семенова Татьяна Афанасьевна, Васильева Надежда Николаевна,Петрова Алла Тарасовна буоллулар, “Бастыҥ суруксут” Семенова Наталья Денисовна, Николаева Надежда Александровна, Антонова любовь Егоровна, Сидоров Вячеслав Афанасьевич «Үчүгэй суруксут» Полятинскай Виталий Михайлович, Винокурова Айталина Валерьевна, Соломонова Вера Семеновна, Степанова Айталина Николаевна, Заровняева Наталья Николаевна, Семенов Николай Григорьевич, Винокурова Влаилена Прокопьевна. Сахалыы дьыктааҥҥа кыттыбыт кыттааччыларга барыларыгар анал номинациялар үөрүүлээхтик туттарылынна. Өссө да сылын аайы элбээн иһиэхтэрэ диэн эрэнэбит. Ыалдьыттарга сахалыы биктэриинэ ыытылынна. Кэлэн актыыбынай кыттыыны ылбыт дьоммутугар киин бибилэтиэкэ үлэһиттэрин аатыттан барҕа махталбытын тиэртибит.
