Бүгүн атырдьах 9 күнүгэр аан дойду аҕыйах ахсааннаах норуоттар күнүн тэрээһин ыытылынна. Библиотека эдэр  үлэһиттэрэ эбэҥкилии хоһоон ааҕыынан арыйдылар. Саамай сүрүн сыалбыт Өлөөн олохтоохтоох  норуот маастардарын презентациянан ахтан аастыбыт. Эдэр күн күбэй ийэ, элбэх сиэн эйэҕэс эбээтэ, норуот маастара  Петрова Сардана Васильевна персональнай быыстапката “Миҥни  чикты” (мой бисер) дьон –сэргэ көрүүтүгэр туруорулунна. Библиотекарь кыргыттар өбүгэлэрбит тылларын таайтарыыга, олохтоох ааптар Варвара Тимофеева таабырыннарын, кинигэ тэттик сонуннарын өбүгэлэрбит эмтэнэр ньымаларын билиһиннэрдилэр.   Ол кэнниттэн  Пахомов Андрей  элбэх туһалаах интириэһинэй иһитиннэриитин  бары сэҥээрдибит. Иис туһунан Анна Семеновна Николаева кэпсээтэ уонна сүбэ биэрдэ.

Норуот аһыыр аһа- кини культуратын биир туспа бэлиэтэ. Хотугу норуоттар сүрүн астара – эт, балык,сир аһа. Төрүттэрбит астарын быыстапкатын минньигэс астарын аһаан түмүктэннэ.