Саха норуодунай суруйааччыта, бөдөҥ общественнай  диэйэтэл

Софрон Петрович Данилов төрөөбүтэ 100 сылыгар аналлаах

«Даньыылап дьыктаана”  өрөспүүбүлүкэтээҕи аахсыйа туьунан

Өлөөннөөҕү кииннэммит библиотечнай ситим муус устар ый 15 күнүгэр күнүс 15 чаастан  Саха норуодунай  суруйааччыта, бөдөҥ уопсастыбаннай диэйэтэлэ, РФ  култууратын утуөлээх үлэһитэ Софрон Петрович Данилов төрөөбүтэ 100 сылыгар аналлаах  өрөспүүбүлүкэтээҕи «Даньыылап дьыктаана”   аахсыйаҕа кыттыста. Аахсыйаны  Горнай улууьун “П. Д. Аввакумов” аатынан киин  библиотека республика  олохтоохторугар тэрийэн ыытта. Оройуоҥҥа 5 туочуканан быласааккалар  бибилэтиэкэлэргэ, оскуолаларга  тэриллэн  ыытылыннылар. Кыттааччылар 25 ыйытыктаах тургутукка хоруйдаан бэйэлэрин билиилэрин чиҥэтэн, умнубуттарын  санаан эбии чахчылары билэн тарҕастылар. Барыта 58 киьи көхтөөх кыттыыны ылла,ол иһиттэн 5 киьи 20 тахса баалы ылан  мэҥэ суруктары,  бары кыттааччыларга туоьу суруктар туттарылыннылар.Ол курдук үрдүк бааллаах кыттаачыларбыт: улахан дьоҥҥо Кириллова Людмила Сергеевна (Дьэлиҥдэ), Тарбахова Дария Иннокентьевна (Харыйалаах), үрдүкү кылаас оҕолоругар Ефимов Саша, Нусугуров Вася, Васильева Саша Ээйик орто оскуолатын үөрэнээччилэрэ үрдүк таһымҥа толорбуттара кэрэхсэбиллээх. Дьыктааҥҥа кыттыбыттар истэн-көрөн, суруйаааччы айымньыларын долгуйа- умсугуйа аахпыттарын санаатылар.

 Өрүүтүн даҕаны саха чулуу дьонун үйэтитэр тэрээһиннэр ыытылла турдуннар! Норуот таптала үйэттэн-үйэҕэ сөҕүрүйбэккэ көлүөнэттэн күлүөнэҕэ салҕана туруохтун.

Дьыктааҥҥа кыттыбыт, тэрийсибит оскуола библиотекардарыгар Е.С. Кириллинна5а, А.А. Саввинова5а, Е.Е. Кучароваҕа  ис сүрэхтэн махталбытын тиэрдэбит. Үлэҕитигэр өссө үрдүк ситиһиилэри баҕарабыт.