Ыhыах кун! Аламай санаалаах Аан Алахчын Ийэ хотуммут арылыйа сырдыы күлбүт! Ыраас чэбдик буоллун диэн халлаан ньуура көҕөрумтуйэ көстубут, көхтөөх – үөрүүлээх буоллун диэн куммут уота куускэ тыкпыт!
Кииннэммит киин бибилэтиэкэ үөрэ-көтө өбугэлэрбит угэhигэстэринэн, сибэккинэн симэммит “Ааҕар балаҕан” туhулгэтигэр күрэх тартыбыт. “Хоһоон хонуута” бэйэ суруйууга хомоҕой хоһооннорун киэҥ эйгэҕэ ааҕыыга кыттынна Өлөөн олохтооҕо Акиммовскай хоһоон ааҕыы кыайыылаҕа Семенова Мария Васильевна соҕотох кыттан кыайыылаах буолла. Иккис түһүмэхпит «Мин сөбүлүүр байыатым» хоһоону өйтөн ааҕыыга күрэххэ улахан дьоннуун,оҕолордуун күөн көрүстүлэр. Улахан дьон ааҕыытыгар кыайылааҕынан таҕыста Готовцева Татьяна Николаевна “Икки ийэ” Савва Тарасов хоһоонун билиҥҥи Ийэ дойдубутугар буола турар кэмҥэ санааны бөҕөргөтөр , күүс эбэр амарах хоһоону аахта, кыттаачыларбыт Семенова Мария Васильевна Тимофей Сметанин “ Саллаат” диэн ис киирбэхтик хоһоону ааҕан көрөөччүнү бэйэтигэр тардара сөхтөрөр, Острельдина Варвара Петровна эбэнкилии, нууччалыы А.Немтушкин хоһоонун ааҕан көрөөччүлэр биһирэбиллэрин ыылыахтарын ыллылар. Оҕолорбут эмиэ хоһоону өйтөн ааҕаллара сүрдээҕин үөртэ. Кыттааччыларбыт: Васильева Сайаана, Петрова Инесса уонна Дмитриева Айаана. Билигиҥҥи кэмҥэ оҕо сахалыы хоһоону ааҕара улахан үөрүү Васильева Сайаана Савва Тарасов “Доҕоччуок үлэлиэх күннэтэ” өйтөн дорҕоонноохтук ааҕан көрөөччүлэри долгутта үөртэ. Кырачаан кыттааччыбыт Айаана Дмитриева саҥа күн сирин көрбүт “Ыһыах саха үгэһэ” диэн хомуурунньук кинигэттэн олохтоох ааптарбыт Розалия Петровна Павлова “Сахабыт ыһыаҕар” диэн хоһоону ааҕан иһитиннэрдэ. Айаана сахалыы хоһоону сөбүлээбиччэ дьүүллүүр сүбэ, көрөөччүлэр иннилэригэр аахта. Ыһыахха кэмигэр “Ааҕар балаҕан” түһүлгэтигэр ыытыллыбыт күрэхпитигэр кыттаачыларга кыайыылаахтарга “Добун сурук”, кыттыы иһин“Туоһу сурук”уонна харчынан бириэмийэ үөрүүлээх түгэн быһыытынан туттарыннылар. Өссө да сахалыы хоһооннору сэҥээрэн ааҕаачылар элбиэхтэрэ диэн бигэ эрэнэбит. Инникитин да араас хомоҕой хоһооннор күрэхтэрэ ыытыллыахтара.
Мария Карпова
Өлөөннөөҕү оройуоннай бибилэтиэкэ
