Михаил Николаевич Семенов –Амака бэйэтин олоҕор элбэҕи оҥорбута уонна айылҕаттан бэриллибит дьоҕурун – талаанын,сырдык ыратын «Күн аннын күндүлэрэ» хоһоон хомуурунньук кинигэтин биһирэмин дьоро күнэ үүннэ. Быйыл биһиги ытык киһибит,суруналыыс, олохтоох ааптарбыт 90 сылыгар аналлаах литературнай биэчэр Кирбэй нэһилиэгэр ыытылынна.
1991 сыллаахха “Эвэды илкэн” хаһыат (Эбэҥкилэр суолдьуттара )диэн тэриллибитэ. Ассоциация да үлэтигэр, хаһыаты тэрийиигэ да Михаил Семенов саамай актыыбынай кыттыыны ылбыта. Кинини ити хаһыат редакторынан анаабыттара. Хаһыат сүрүн соруга эбэҥки тылын, итэҕэллэрин-үгэстэрин тилиннэрии этэ.Хаһыат бастакы нүөмэрэ 1991с. Бэс ыйын 28 күнүгэр Өлөөҥҥө бэчээттэнэн тахсыбыта.
Михаил Николаевич 1997 сыллаахха журналистар союзтарыгар чилиэнинэн ылыллыбыта. Кини олохтоох ааптар уонна журналист да быһыытынан элбэҕи суруйан, айан хаалларбыта.
