Заголовок:
Айылҕаны таптыаҕыҥ


Заметка:
Айылҕаны таптыаҕыҥ, кини кэрэ бэйэтин,
Итэҕэйэн өйдүөҕүҥ, харыстааммыт өйүөҕүҥ.
Алгыс тылы ыһыктан үрүҥ күҥҥэ үҥүөҕүҥ,
Таҥараҕа махтанан сандаарыаҕыҥ, сырдыаҕыҥ.

Ыраас халлаан туруоҕа, күммүт үөрэн мичийиэ,
Орто дойду сиригэр дьоллоох олох салҕаныа.
Таптал сылаас сыдьаайа тулабытын киэргэтиэ,
Кэнэҕэски  ыччаппыт сайдыы суолун тутуһуо.

Ийэ сири хомотон тэпсилгэн оҥорумаҥ,
Баһылааҥҥыт айбардаан  кинини хомотумаҥ,
Иэстэбиллээх буоларын мэлдьи саныы сылдьыаҕыҥ,
Ытыыр-соҥуур кэмигэр көмөбүтүн уунуоҕуҥ.

Сиэри-туому үөрэтэн, сүрэхтэргэ иҥэрэн,
Сэриилиири тохтотон, кыылы кырган бүтүөҕүҥ.
Булду-алды нуормалаан, сокуоннарын билинэн,
Байанайы күндүлээн ылсан-бэрсэн аһыаҕыҥ.

Сирбитин алдьатар
Ымсыы санаа суох буоллун,
Хараҥаҕа мунаммыт айылҕаны бааһырдан,
Айгыратан сэмэҕэ тиксибэккэ аһардан,
Үйэбитин уһатан олоруоҕуҥ
өйөһөн.

Оту-маһы харайан, бүтүннүү чэлгитэн,
Хаһаайынныы бу сири, дойдубутун тупсаран,
Айылҕаны биһирии сүбэбитин холбуоҕуҥ,
Бары бииргэ чэчирии олус күүскэ таптыаҕыҥ!


Розалия Павлова
Өлөөн
17.03.2022с