Заголовок:
Амтаһый айылҕа көҥүлүн

Заметка:
Амтаһый айылҕа көҥүлүн

Сиэдэрэй айылҕа көстүүтүн
Хоһооммор хоһуйа турдарбын
Барытын тиэрдиэм этэ дуо?
Сиһилии эһиэхэ
кэпсиэм дуо?

Суох буолуо, айылҕа кэрэтин,
Ойуулаан оһуорун-мандарын, 
Дэлэгэй баайдарын талбаппын,
Кистэлэҥ эйгэтин сөҕөбүн.

Эргиччи дуоһуйа алтыһан
Бу сиргэ бииргэҕин кинилиин,
Олоҕу дьоллоохтук олорон
Сэниэҕин эбинэн тыынаҕын.

Баараҕай киэҥ куйаар ситимэр
Күн күүһүн иҥэрэн сылдьаҕын,
Этиэхтэн эриэккэс  биһигэр
Айылҕа оҕото буолаҕын.

Тапталы, махталы туттаран,
Сүрэҕин сылааһын куустаран,
Арчылыыр алгыһын иҥэрэн
Амтаһый айылҕа көҥүлүн.


Розалия Павлова
Өлөөн
13.04.2022