Бар дьоммун сылаастык ахтабын


Анаммыт олохпун олорон
Бу күҥҥэ баарбыттан дуоһуйан
Саҥаттан саҥа күн үүнэрин
Күн ахсын махтана көрсөбүн.

Ааспыты санаабар хаалларан
Билиҥҥи бу кэммэр үөрэбин,
Мин төлкөм түстэммит суолунан
Үктэнэн айаннаан иһэбин.

Ол эрэн санатыа мэлдьитин
Тэлгэһэм, оҕо саас сылларбын,
Миигиттэн аҕа саас тыаларбын,
Көччүйэ сүүрэлиир тиэргэммин.

Тус-туспа тэйсибит ыалларбын
Сылаастык да ахтар эбиппин,
Хас биирдии мөссүөнү эргиллэн
Харахпар бу баардыы көрөбүн.

Барыта билигин сүттэргин
Олус да долгуйан ылабын,
Дьылҕабар көрсүбүт бар дьоммун
Сүрэхпэр сөҥөрөн сылдьабын.


Розалия Павлова.
Өлөөн.
04.07.2023.