Доҕор сирдиир сырдыкка


Кынатын үүннэрэн
Бүдүрүйбүт көнүөҕүн,
Олоххо төннөрүн
Өрүһүйэр доҕоро.

Кыаллыбаты кыайарга
Эрэл кыыма күөдьүйэр,
Сүрэх уота умайар,
Харах сырдыы арыллар.

Санаа хоту баҕатын
Толорорго дьулуһар,
Дьоллоох түгэн эргийэр,
Олох суола салҕанар.

Өйөбүлүн хардатын
Тэйитимэ доҕоргун,
Хомотума кинини,
Доҕоргунан киэн тутун!

Розалия Павлова
Өлөөн
18.01.2023