Заголовок:
Дьүкээбил үҥкүүлүүр түүнүгэр..

Заметка:
ДЬҮКЭЭБИЛ ҮҤКҮҮЛҮҮР ТҮҮНҮГЭР

Дьүкээбил уотунан оонньоото,
Дьиримнии сүрэхпин долгутта,
Дойдубар оһуорун долгуна
Дьоллоох да түгэни тосхойдо.

Дьүкээбил үҥкүүлүүр түүнүгэр
Дьиэрэйэн ырыабыт эйээрдэ,
Дьулусхан үөрүүнү үллэстэр
Дорҕоонун күөрэччи көтүттэ.

Дорообо айылҕам көстүүтэ,
Дууһабар дьол тыына билиннэ,
Дьэрэкээн өҥүнэн симэннэ,
Дьүһүйүү иэйиитин сэгэттэ.


Розалия Павлова
Өлөөн
21.12.2019с