Заголовок:
Хотугу сибэкким ньургуһун..

Заметка:
Хотугу сибэкким ньургуһун


Хотугу сибэкким ньургуһун-
Дойдубут биһигин киэргэтэр,
Хоһууннук тымныыны тулуйар,
Сэргэхтик симэнэн тэлгэнэр.

Хотугу сибэкким ньургуһун-
Ис куппар кэрэни иҥэрэр,
Хараастар сүрэҕи уулларар,
Үөрүүнү бэлэхтээн көһүтэр.

Хотугу сибэкким ньургуһун-
Ытыспар оҕолуу бигэнэр,
Арахпат угутун сыдьаайар,
Арамаат сытынан илгийэр.


Розалия Павлова
Өлөөн