Заголовок:
Ийэбит олоҕун харыстыах.

Заметка:

Ийэбит олоҕун харыстыах

Мап - мааны ийэбит барахсан
Күн сирин көрдөрбүт таҥара,
Дьиэ иһин сып-сырдык аанньала,
Оҕотун алгыстыыр аргыһа.

Дьолунан  толору буолуоххун
Иҥэрэр үйэлээх харысхал,
Олоххор тирэхтээх сайдаргар
Эйиэхэ өрүүтүн өйөбүл.

Ыарахан күннэргэр аттыгар
Эрэлгин күүһүрдэн арчылыыр,
Күннэтэ тулаҕар силискин,
Үс куккун бөҕөтүк ситимниир.

Сымнаҕас эн түөскэр бигэнэн,
Хаххалаах уйаҕар улаатан,
Ийэбит  эн илииҥ сылааһын
Барыбыт билэбит күндүтүн.

Күннэтэ үөрүүнү туттаран
Ийэҕэ тапталы уунуоҕуҥ,
Сааһырар санааҕа ылларбат
Нус-бааччы олоҕу аныаҕыҥ.


Розалия Павлова
Өлөөн
08.10.2022