Көҥүл олоххо көччүйэ олорон

Дойдубут дьоно-сэргэтэ!
Сахабыт сирин
хорсун уолаттарын
ахтан-санаан ааһыаҕыҥ!

Кинилэр ытык иэстэрин чиэстээхтик толороллор, Эйэ туһугар кыайыыга эрэли сүтэрбэттэр.

*****
Көҥүл олоххо көччүйэ олорон,
Эмиэ да түүл дуу диэх курдук,
Сир дойду үрдүнэн соһуччу
Халлаан хараҥаран,
Күммүт кытаран, 
Ыар сурах тарҕанан
дьон кутун аймаата.

Оҕочоос ыччаппыт улаатан,
Дьиэтиттэн ыраата араҕан, 
Санааҕа ыктарда,
Сүрэҕин аалларда,
Дойдутун көмүскүү
айаҥҥа турунна.

Араас омуктуун аймахтаһан,
Сэргэхсийэн сэһэргээн,
Бэрт холку майгытын көрдөрөн
Сахалыы саҥата дуорайда.

Барыга дьоҕурун биллэрэн
Өй-санаа мындыра сөхтөрдө,
Эйэлээх олоҕу уһансар
Кыайыыга дьулуура күүһүрдэ.

Киэн туттар ыччаппыт!
Сырдык суол эҥэрдээх,
Дьол, үөрүү аргыстаах,
Чэп- чэгиэн туруктаах
Эргиллэн кэлээриҥ!

Быр-бааччы олорор
Олоҕу салайар,
Кэскили тэнитэр
Дьиэ кэргэн тирэҕэ,
Эһиги буолаҕыт,
Уолаттар күндүгүт!

Эһиэхэ аныыбыт
сүрэхпит сылааһын,
кынаттыыр тыллары,
махталы, тапталы!

Розалия Павлова.
Өлөөн.
30.05.2023.