Заголовок:
Туундара нэлэмэн куйаара...

Заметка:
Туундара нэлэмэн куйаара 

Туундара нэлэмэн куйаара
Табабыт төлкөтүн туоната,
Төрөтөр тугутун байыта
Тус хоту бигэнэр дойдута.

Табаһыт сүрэҕин анала,
Тулуурдаах олоҕун айана,
Табаһыт барҕарар баҕата,
Тулатын күндүлүүр алыба.

Туус маҥан тугутчаан ымыыта
Түбүктээх үлэтин уйгута,
Тускуну тупсарар удьуора,
Тымныыны абылыыр арчыта.

Туундара илгэлээх быйаҥа
Табаһыт дьылҕатын сатала,
Тирэхтээх кыырайар санаата, 
Табалаах кыраайбыт сайдыыта.



Розалия Павлова
Өлөөн