Олохпут тутула

Олохпут тутулун өйдүөҕүҥ,
Эрэллээх күммүтүн көрсүөҕүҥ,
Улуу күүс тапталы билинэр,
Барыга тапталлаах буолуоҕуҥ.

Тапталбыт туруга бөҕөргүөн
Кинини үрдүктүк тутуоҕуҥ,
Эргиччи кэрэни үксэтэн
Дэлэччи үтүөнү түстүөҕүҥ.

Өбүгэ тылынан саҥаран
Ситими  үөскэтэ туруоҕуҥ,
Өй - мэйии үлэтин салайан
Элбэҕи ситиһэн үөрүөҕүҥ.

Саҥалыы олоҕу көрүнэн,
Дьылҕабыт уһуурун хааччыйан,
Сайдыыга күүстээхтик тиийиэҕиҥ,
Сахабыт дойдута дэтиэҕиҥ.

Биир түмсүү эйэҕэ тиксэриэ,
Бигэ тыл элбэҕи быһаарыа,
Барҕарар төлкөбүт күүһүрүө,
Бэлиэтиир уруйбут улаатыа!


Розалия Павлова
Өлөөн
21.04.2023