Сайыны мин олус таптыыбын


Күөх халлаан тэлэйэ ар

Сайыны мин олус таптыыбын


Халлаан күөх урсунун устунан
Көтөргүн көччүтэ көрсөҕүн,
Сайыммыт баай тыаҕын көҕөрдөн
Сынньалаҥ кэмнэри түстүүгүн.
 
Солко  күөх оһуоргун симэнэн,
Күн көмүс уотугар
сыламныыр
Куйаас да күннэри уунаҕын,
Сайыммыт барахсан
кэрэҕин.

Күөх өҥү сыдьаайар сайыҥҥа
Үөн-көйүүр дыыгыныыр
саҥатын,
Оҕо саас чуопчаара күлэрин
Дуоһуйа истэммин үөрэбин.
  
Сөп-сөрүүн тыалыгар
уйдаран,
Баттахпын ыһыахтыы көтүтэн,
Сүрэҕим баҕатын
ханнаран
Сайыны, оо, олус таптыыбын.

Бу дьолу, айылҕа бэлэҕин
Күндүтүн олуһун сөҕөбүн,
Сибэкки сиидэстии хонуутун
Сибиэһэй салгынын тыынабын.


Розалия Павлова
Өлөөн