Заголовок:
Соҕотох ньургуһун..

Заметка:
Халыҥ хаар анныгар ньургуһун
Соҕотох хоҥкуйан тураҕын
Ис куппар харааста аһынан
Ытыспын даҕайан бигиибин.

Дьылҕаҕын уһатар санааттан
Кэрэчээн бэйэҕин сылытан,
Эйиэхэ сүрэхпин арыйан,
Сүрдээҕин долгуйа үөрэбин.

Нарыҥҥын-намчыгын көрөммүн
Тулуһар тулуургун сөҕөбүн,
Айылҕа анала буолаҥҥын
Алҕанан бу сиргэ үүннэҕин.

Саас кэлиэ, эн эмиэ  тыллыаҕыҥ,
Буор сири киэргэтэ 
симиэҕиҥ,
Хоһооҥҥо үгүстүк хоһуллуоҥ,
Ньургуһун ыһыаҕар ылланыаҥ.


Розалия Павлова
Өлөөн
30.08.2020с.