Заголовок:
Мааны аспыт сыа балык .

Заметка:
Мааны аспыт сыа балык

Сыа балыкпыт бөҕөргөтөр,
Турукпутун тупсарар,
Күндү ыалдьыт остуолун
Мааны аспыт киэргэтэр.

Сыа балыгы сөбүлээннэр
Илин-арҕаа, соҕуруу,
Уос номоххо кэпсээн тарҕыыр,
Өлөөммүтүн сураҕырдар.

Ыйыталлар, сураһаллар,
Быйыл төһө өлгөмүй?
Ыыттараары үлэһэллэр,
Амсайаары кэтэһэллэр.

Чуумпу эбэ баайдарыттан
Сыа балык көмүс тэҥэ,
Уһаат иһин толороннор
Көтөр аалга тиэйэллэр.

Амтан тупсар сыл аайы,
Олус наһаа минньигэс,
Сайын, күһүн муҥхалааннар
Дойдум дьоно көнньүөрэр.


Розалия Павлова
Өлөөн
29.07.2021