Заголовок:
Таас хайа тэллэхтээх дойдубут...

Заметка:

Тоһуттар тымныылаах кыраайбыт,
Табаһыт дьоннордоох дойдубут,
Таас хайа тэллэҕэр үөскээбит,
Төлкөбүт уйатын түстээбит.

Төһөлөөх сыллары уҥуордаан
Туруук таас хайалар тураллар,
Тэҥнэммэт айылҕа кэрэтин
Туоһута, сүрэҕэ буоланнар.

Тулалыы чолбоммут саҕыллар,
Түлэй түүн халлааны сырдатар,
Табатык суолбутун тайанар
Түмсүүлээх эйгэҕэ арыаллыыр.

Тирэхтээх аартыкпыт быстыбат,
Тэйэргэ санааны үөскэппэт,
Толору дьоллоохтук олорор
Тубустар тубустун олохпут!



Розалия Павлова
Өлөөн
23.11.2019с.