Таптааҥ дуу биир тэҥҥэ, таптааҥ дуу күннэтэ


Тапталы сиэттиһэр буоллахха
Сүрэххэр сибэкки тыллыаҕа,
Тапталы ыаллаһар буоллахха
Олоҕуҥ дьолунан туолуоҕа.

Таптааҥ дуу, таптаһыҥ доҕоттор,
Биир тэҥҥэ битийэр сүрэхтэр,
Таптааҥ дуу, таптаһыҥ барыгыт,
Күннэтэ сылыйыа дууһаҕыт.

Ыарахан түгэни уйаргар
Тапталыҥ эрэлэ быыһыаҕа,
Хомолто хаарыйар күнүгэр
Аттыгар мэлдьитин буолуоҕа.

Бар дьоҥҥо тапталы ууннахха
Эн тулаҥ бүтүннүү сырдыаҕа,
Тапталгыт ырыатын туойдахха
Сөхтөрөн сыдьаайа кууһуоҕа.

Үөһэттэн бэриллэр тапталы,
Туохха да тэҥнэммэт ырааһы,
Сүрэхпит иһигэр уматан
Сылааска сууланан сырдыаҕыҥ.

Розалия Павлова
Өлөөн
03.04.2023