Заголовок:
Туундара дойдутун туллуга.

Заметка:
Туундара дойдутун туллуга

Туундара оҕото тугутчаан,
Тапталбыт, кыракый туллукчаан,
Таайыгас сүрэҕэ битийэр,
Таайбараҥ ырааҕы сирдэтэр.

Чысхааны утары кыырайар,
Чэмэлкэй бэйэтэ чөрөйөр,
Чугуйбат санаата дабатар,
Чыычаахтыы үөһэнэн көтүһэр.

Тугутчаан, кыракый туллукчаан,
Тымныыны тулуйар ымыычаан,
Төлкөтө куйаардыын ситимниир,
Туундара оҕотун биһиктиир.


Розалия Павлова
Өлөөн
11.08.2020с.