Туругур, Өлөөммүт ыччата

Туругур, Өлөөммүт ыччата

Барыта кыаллары оҥорон,
Дьулуһан, элбэҕи ситиһэн,
Үрдүктэн үрдүгү  үктэнэн
Хардыылаа биир тэҥҥэ сүбэнэн.

Туругур , Өлөөммүт ыччата
Кыайыыга, инники кирбиигэ!
Сураҕыр, дойдугун аатырда
Биир ньыгыл килбиэннээх хотууга!

Бэйэҕэр эрэли үөскэтэн,
Дараҕар сарыҥтан тутуһан,
Эстибэт эрчими эбинэн
Модьураа, бөҕөргөө эрчиллэн.

Самныбат санааҕын салайан,
Сайдыылаах тэтимҥэ силбэһэн,
Үлэлэс, сыралас, эрилин,
Олоххун хамсатан тирэҕир!


Розалия Павлова.
Өлөөн
25.06.2023