Заголовок:
Тус хоту дойдубар

Заметка:
Төрөөбүт мин дойдум Өлөөнүм-
Төлкөбүн түстээбит биһигим,
Тымныыга мин ытаан кэлбитим,
Тыынаммын кыыс оҕо түспүтүм.

Тус хоту дойдубар олорон
Тирэҕим буоруттан
салаллан,
Тилэхпэр тилэри үктэнэн
Тэлэйэ ыллыкпар хаамабын.

Таайбараҥ арыаллыыр
тылларбын
Тулабар ыһыахтаан таһааран,
Табатык этиэхпин баҕаран
Тиһэбин хоһооммор хоһуйан.

Туттарбыан, көтүһэр
салгынын,
Төрөтөн үөскэтэр дорҕоонун,
Тыыннарбыан, көҥүлгэ дабатан
Тууйуллар мин санаам
иэйиитин.


Розалия Павлова
Өлөөн
18.01.2021с. 20ч.47м.