Тыыннаах көстүү дьиктитэ

Сибэккилэр тэтэрэ Тылыннылар хонууга,
Сэргэстэһэ  симэнэн
Көрүстүлэр киэргэнэн.

Тэллэгэрдээх сэлээппэ,
Иилиннилэр ытарҕа.  
Тыалы кытта сиэттиһэн
Көтүстүлэр тэлээрэ.

Араас өҥнөөх оһуору Толбоннура оонньотон,
Тула сыттыын дыргыйа Муһуннулар ыһыахха.

Уйгу-быйаҥ сайыҥҥа 
Анаан минээн көрсүһэ,
Тэнийдилэр сэлэһэ,
Түһүлгэни түстэһэ.

Долгуннурар үҥкүүгэ
Оһуохайга тутуһан,
Үөрүүлэрин үллэстэн Үктэннилэр эргийэ.

Айылҕабыт дьиктитэ 
Уһугунна, сымнатта, 
Киһи сөҕөр кэрэтэ
Манна көстөн долгутта. 

Имигэстик хамсана, Кустуктана сандаара, Тыыннаах көстүү салгыҥҥа Куйаар устун көтүстэ. 

Розалия Павлова Өлөөн 10.05.2022с.