Төннө туруом дойдубар

Төннө туруом дойдубар


Төннө туруом дойдубар,
Табалардаах кыраайбар,
Тохтоон ааһар ыллыкпар,
Таптыыр - ахтар дьоннорбор.

Кутум кытта күөрэйэн
Көрсүһүөҕүм күннээх күн,
Кынаттанан үөрэммин
Көтө дайыам үөһэнэн.

Онтон тыллан күүс ылан
Олус дьоллоох буолуоҕум,
Олох кэрэ, киэҥ айан
Оһуордарын тэлгэтиэм.

Алгыһынан арыаллаан
Арыйыаҕым сүрэхпин,
Аартыктарбар махтанан
Айхаллыаҕым Өлөөммүн!


Розалия Павлова
Өлөөн 
03.07.2023