Уруйдуох үлэһит дьоммутун

Өбүгэ саҕаттан салҕанар,
Үлэһит норуоппут барҕарар,
Күннээҕи дьолунан солбуллар
Күргүөмнээх үлэтэ салаллар.

Табалаах кыраайбыт биһигэр
Төрүөҕү сүтэрбэт туһугар,
Олохпут быстыбат тиһигэр
Табаһыт идэтэ ирдэнэр.

Туундара туоната киэркэйэр,
Табатын ахсаана тэнийэр,
Табаһыт ыарахан олоҕор
Төлөннөөх сүрэҕэ битийэр.

Уус тарбах талааннаах маастардар
Төрүүллэр-ууһууллар утумнаан,
Үйэлээх оһуору тэлгэтэн
Кинилэр ситими туталлар.

Успуорка ыксары күүстээхтэр
Өрүүтүн инники иһэллэр,
Кэнчээри ыччаппыт удьуордаан
Сайдыыны түстэһэр эбиттэр.

Бүгүрү үлэһит илиилэр
Ханнык да үлэни кыайаллар,
Боростуой үлэһит киһибит
Айанын аартыга арыллар.

Үрдүккэ тардыһар дьулууру
Иҥэрэн чаҕылхай сулустуу
Сыдьаайа турдуннар тутуһан,
Биир тэҥҥэ эрэллээх хардыыннан!

Өлөөнү киэргэтэр үлэтин,
Уруйдуох үлэһит дьоммутун!
Айхаллыах дойдубут кэскилин,
Төһүү күүс киэн туттар ыччатын!


Розалия Павлова.
Өлөөн
22.06.2023