Үрүҥ күн анныгар

Үрүҥ күн анныгар

Күнүм уота сып - сылаас,
Кууһар сырдык сардаҥа,
Ситим төрдө бу сиргэ
Үрүҥ күҥҥэ, тапталга.

Күнү, күнү таптыыбын,
Күнү үөрэ көрсөбүн,
Күн эргиирин батыһан
Төгүрүйэ хаамабын.

Дьоллоох олох алгыһа
Үрүҥ күҥҥэ махтаныы,
Уйгу-быйаҥ аргыһа
Үрүҥ күммүт арчыта.

Үрүҥ күммүт анныгар
Үөрэ - көтө олоруох,
Үчүгэйи ыралыах,
Дьоллоох буолуох, доҕоттор!


Розалия Павлова
Өлөөн
02.02.2023