Заголовок:
Өлөөнүм - мин дойдум

Заметка:
Өлөөнүм - мин дойдум

Аҕынным төрөөбүт дойдубун,
Кэрэхсиир айылҕам туонатын,
Астыгыан, мин дойдум салгына,
Күндэлэс ып-ыраас утаҕа.

Тулалыыр аарыма хайатын
Дьиктитин үтүөкэн арчыта,
Тирэхтиир алгыһын илгийэн
Дьайыытын сөҕүмэр сылааһа.

Бу, мин дойдум - Өлөөнүм
Баараҕай сүдү күүс кылаата,
Бу, мин дойдум - Өлөөнүм
Барыбыт тапталбыт уйата.

Быстыбат ситими сөҥөрөн
Өлөөнүм барахсан чэлгийэр,
Бөҕөргүүр төлкөнү анааран
Өлөөнүм кэскилэ чэчириир.


Розалия Павлова
Өлөөн
29.06.2019с