Бүгүн олунньу 13 күнэ – саха норуотун улуу сырдатааччы, талааннаах лингвист Семен Андреевич Новгородов төрөөбүт күнэ. 1996 сылтан бастакы президеммит Михаил Ефимович Николаев ыйааҕынан Семен Андреевич төрөөбүт күнүн олунньу 13 күнүн Төрөөбүт тыл уонна сурук — бичик күнүнэн биллэрбитэ.
Киин библиотека5а ийэ тыл, сурук-бичик күнүн чэрчитинэн сахалыы таба суруйуу, үөрүйэҕин олохсутар, иҥэрэр сыаллаах «Сахалыы дьыктаан” аахсыйа 11 – с төгүлүн ыытылынна. Аахсыйа буолуон иннинэ С. А. Новгородов олоҕун туһунан кылгастык библиотекарь Эльвира Николаевна билиһиннэрдэ. Ол кэннэ хомус алыптаах тыаһынан Уруйдана Николаева эҕэрдэлээтэ. Дьыктаан тексин Саха Өрөспүүбүлүкэтин Национальнай библиотеката уонна Хотугулу Илиҥҥи федеральнай университетын саха тылын кафедратын 2025 сылга саха норуотун буойун суруйааччыта Тимофей Сметанин суруйбут «Кыайбыттар ыһыахтара” сэһэниттэн суруйдулар. Кытта кэлбит кыттааччыларбытыгар махтал тылларын этэбит. Хомойуох иьин, эдэр ыччат, салалта салайааччылара маннык аахсыйаларга, тэрээһиннэргэ сылдьыбаттара олус хомолтолоох.
Хайа баҕарар норуот бэйэтэ туһунан тыллаах. Саха тылын сүтэрбэт, симэлэппэт туһуттан элбэхтик ааҕа, табатык суруйа, уустаан- ураннаан кэпсииргэ үөрэниэхтээхпит. Оччоҕо эрэ саха тыла үүнэ-сайда туруо.