Арассыыйаҕа Аҕа дойдуну көмүскээччи сылынан уонна 1941-1945 сыллардааҕы Аҕа Дойду Улуу сэриитигэр Кыайыы 80 сылын бэлиэтиир, Саха сиригэр Дойдуну көмүскээччи уонна тапталлаах Өлөөммүт 90 сааһын туолар үбүлүөйдээх сылыгар аналлаах кэрэ-бэлиэ күн тосхойдо!
Оройуону төрүттээбит биир чулуу киһибит Спиридон Ксенофонтович Боескоров төрөөбүтэ 120 сылын туолар үөрүүлээх тэрээһиннэр чэрчилэринэн Өлөөн сэлиэнньэтигэр Спиридон Боескоров аатынан уулуссаҕа тутуллубут бастакы саҥа үс этээстээх, толору хааччыллыылаах таас дьиэлэр тэлгэһэлэригэр бүгүн кини бүүһүн арыллыытынан итиитик истинник эҕэрдэлиибит.
Боескоров Спиридон Ксенофонтович Өлөөҥҥө 1934 сыллаахха тутаачччынан үлэлии кэлбитэ. Кини оройуону тэрийиигэ актыыбынай кыттыыны ылбыта. 1947 сыллаахха кини суруйан хаалларбыт оройуоммут устуоруйатын, экэниэмикэтин тустарынан летопиһын суруйан хаалларбыта биһиэхэ улахан өйдөбүнньүк буолар.
Өлөөн олохтоохторун көрдөһүүлэринэн 1967 сыллаахха урукку Колхознай уулуссаҕа Спиридон Ксенофонтович Боескоров аата иҥэриллибитэ. Быйыл муус устар 24-25 күннэригэр Өлөөн эбэнки национальнай оройуонугар бастакы суруксут Спиридон Ксенофонтович Боескоров үбүлүөйдээх сылыгар аналлаах бастакытын Боескоровскай дьыктаан ыытыллынна.
